Gloymd klæði
Fráboðan um lús
Gleðiligar páskir
Grækarismessuhald í Geilini á Toftum
Sjónleikur í Løkshøll 10.fl úr Tofta og Runavíkar skúla framføra
Næmingaráðið í Tofta skúla skipar fyri grækarismessuhaldi í Tofta skúla
Fundarfrásøgn frá skúlastýrisfundi 11.apr. 2018 kl 19:30
Skúlastýrisfundur 11.apr. 2018
Skrá
Frá skúlanum
Frá forkvinnuni
Eftirmeting av samstarvsfólkadegnum
Fíggjarætlanin 2018
Ymiskt
Frá skúlanum: Skúlaleiðslur vóru á leiðslufundi hjá MMR tann 13.mars. Kunnað varð um umskipingarnar, nú tað nýstovnaða undirvísingarstýrið verður sett á stovn. 8.fl hevur verið og vitjaði RFF til ein ferðsludag. Umboð frá Sands skúla og barnagarðinum á Sandi vóru og vitjaðu okkara Samspíra, fyri at vita hvussu vit arbeiddu. Leiðslan í skúlanum við Løkin var á vitjan hjá okkum og tosaðu um samstarvið við 10.fl til komandi skúlaár. Semja var um, at báðir partar vilja halda fram við samstarvinum, og fara at bjóða nøkulunda sama skema til næsta ár. OM og JM kunnaðu seg um teldur í skúlanum á Fløtum. Listaleypurin við Dánjal á Neystabø og Aufengin vitjaðu 4.-7.flokk. Næmingar í 7.fl høvdu gjørt eitt arbeiði í samband við vitjanina, og tað riggaði sera væl.
Tað verða sum kunnugt, ongar landsroyndir í 2018. Vit hava fingið nýggjar næmingar í skúlan í 8.fl og í 2.fl og so er Petra komin aftur í 8.fl so at vit í dag hava 202 næmingar. Harumframt hava vit havt næmingar sum hava vitjað í styttri og longri tíð. Okkara 9.fl skal til PISA roynd í Løkshøll 12.apr.. Hósdagin 26.apr. verður várveitsla fyri framhaldsdeildini, og eru tey í ferð við at leggja hetta til rættis. DJ er byrjað á diplom skeiðnum í Námsfrøðiligari leiðslu. Hendan útbúgvingin verður liðug á sumri í 2019.
Frá forkvinnuni Skúlastýrið skal senda skrivligan fyrispurning um hvussu gongur við langtíðarætlanini fyri útiøkið kring skúlan. Til næsta skúlastýrisfund skulu vit hava á skrá fyrilestrarhaldara til felags foreldrafundin í heyst.
Eftirmeting av samstarvsfólkadegnum Semja var um, at fundurin var góður. Gott hjá øllum at hoyra eitt sindur um staðbundnda søgu.
Fíggjarætlan 2018:Fíggjarætlanin fyri 2018 varð gjøgnumgingin og samtykt
Ymiskt Tað árliga tjakið, ið samskiparin hjá foreldraráðnum skipar fyri verður fyrst í mai.
Øll møttu
Fundur lokin kl 21:00
Skrivari DJ