Týsdagin 18. des. verður árliga jólahaldið hjá næmingunum í Tofta skúla. Vit møta kl. 8.00, og skúlin er liðugur uml. kl. 11.30. Til jólahaldið framføra næmingarnir ymiskt, m.a. fer 6. flokkur at ganga Lucia og 7. flokkur at framføra ein leik.

Týskvøldið 18.des. kl. 19 verður jólahaldið, har foreldur og systkin eru vælkomin. Tá verða eisini ymiskar framførslur á skránni, og tí heita vit á foreldur um at hava børnini sitandi hjá sær, meðan jólahaldið er, so tey sum framføra fáa frið til tað.

Mikudagin 19. des. er jólahugni á skránni. Tá hugna næmingarnir sær saman í sínum flokki. Allir næmingarnir møta kl. 8.00, og skúladagurin er liðugur kl. 10.30.

Hósdagin 20. des. verður farið í kirkju kl. 10.00. Um tað liggur fyri, eru foreldur, systkin og onnur hjartaliga vælkomin í kirkju saman við næmingunum. Kirkjugongdin tekur uml. ein tíma. Tá tað er liðugt, ynskja vit øllum eini gleðilig og signað jól.

Farið verður aftur í skúla mánadagin 7. januar 2019 til vanligar tíðir.