Fríggjadagin 12. februar verður føstulávintshald fyri næmingum í skúlanum. Vegna almennu koronatilmælini, verður haldið øðrvísi, enn undanfarnu ár.

Næmingarnir møta kl. 8.00 og hava tveir vanligar skúlatímar. Síðan eru tey saman við sínum flokki í floksstovuni. Har fara flokkarnir at kvøða, spæla og hugna sær og eisini fáa næmingar føstulávintsbollar og sunkist.

Næmingar kunnu vera grýluklæddir antin tá ið teir møta í skúla, ella teir lata seg í grýluklæði eftir 2.tíma. 

Skúladagurin endar kl. 11.30. Ikki er neyðugt at hava matpakka við.

Mánadagin 15. februar er frídagur.