Gloymd klæði
Fráboðan um lús
Gleðiligar páskir
Grækarismessuhald í Geilini á Toftum
Sjónleikur í Løkshøll 10.fl úr Tofta og Runavíkar skúla framføra
Næmingaráðið í Tofta skúla skipar fyri grækarismessuhaldi í Tofta skúla
Fýra lið við í finaluumfarinum í FM í skúlatelving
Týsdagin 4. og mikudagin 5.mai varð skipað fyri FM í skúlatelving í Mentanarhúsinum í Fuglafirði. Tað vóru næmingar úr skúlum í Eysturoynni, sum telvaðu báðar dagarnar. Talan var um undankappingar, hvar í trý tey fremstu liðini frá hvørjari undankapping hittast í einum finaluumfari.
Tofta skúli hevði tvey lið í yngra bólkinum 3. & 4.flokki, og tvey lið í eldra bólkinum 5.-10.flokki.
Kappingarnar vóru skipaðar sum liðkappingar, har seks næmingar vóru á hvørjum liði hvørt umfar. Tó kundi hvørt liðið hava tveir útskiftarar.
Telvað vóru fimm umfør við klokku, har næmingarnir høvdu 10 minuttir í part til talvið.
Ikki kann sigast annað, enn at næmingarnir úr Tofta skúla kláraðu seg framúr væl báðar dagarnar, sum undankappingarnar vóru.
Í yngra bólkinum megnaðu liðini úr Tofta skúla at fáa ávikavist eitt fyrsta og eitt triðja pláss, meðan Skála skúli gjørdist nummar tvey.
Í tí eldra bólkinum varð tað Skála skúli, sum gjørdist nummar eitt, meðan liðini úr Tofta skúla gjørdust ávikavist nummar tvey og trý í kappingini.
Tað vil við øðrum orðum siga, at øll fýra liðini úr Tofta skúla hava telvað seg til finaluumfarið, sum verður í Tórshavn seinni í mai.
Hjartaliga til lukku til øll liðini!
Myndir frá undankappingunum síggjast her!