Mikukvøldið 21. juni kl. 18.00 var ein stór hátíðarløta í Tofta skúla. Tá fingu næmingarnir í 10. flokki og nakrir næmingar í 9. flokki prógv handað. 

Avvarðandi vóru komin saman á hesum stóra degi, nú fólkaskúlin var liðugur hjá næmingunum. 

Marita Dalsgaard, skúlastjóri, flutti fram røðu og handaði næmingunum prógvini. Eisini flokslærararnir heilsaðu næmingunum við ynskjum um ein ljósa framtíð, nú næmingarnir skulu taka við nýggjum avbjóðingum.

 Somuleiðis vóru tað næmingar og foreldur, sum bóru fram heilsan, og takkaðu fyri tíðina í Tofta skúla.

 Fleiri myndir frá prógvhandnini síggjast her!