Næmingaráðið í Tofta skúla

Næmingaráðið í Tofta skúla skúlaárið 2020/2021

Mikudagin 16. sept. var val til næmingaráðið í Tofta skúla. Næmingarnir kundu velja ímillum 34 ymisk valevni. Tað vóru næmingarnir í 5.-10.flokki, sum kundu velja umboð í næmingaráðið.

Í næmingaráðið vóru hesi vald: Tobias G. Bergkvist 5.fl., Johannes Johansen 6.fl., næstformaður, Jónas Thomsen 7.fl., formaður, Adrian L. Jacobsen 8.fl., Brian Ellingsgaard 9.a., Filip Hansen 9.b og Jákup í Jákupsstovu 10.fl., skrivari.

Umframt hesar limirnar velur námsfrøðiligaráðið eitt umboð at sita í næmingaráðnum. Læraraumboðið er Maria Schmeltz Hansen.

Endamálið við næmingaráðnum er, at næmingarnir læra at taka lut í fólkaræðisligum samfelagi, og at teir fáa høvi at hava ábyrgd og ávirkan á teirra dagligdag. Nakrar av uppgávunum, næmingaráðið kann arbeiða við, eru:

• Atferðarreglum á skúlanum
• Innan- og uttandura spæliplássi
• Felags tiltøkum, ítrótti, konsertum
• Aktuellum málum
• Skúlablaði, várveitslu, o.t.
• Ymiskt,, sum skapar trivnað í skúlanum

Næmingaráðið hevur skyldu til reguliga at kunna floksumboðini um arbeiðið, sum verður gjørt í næmingaráðnum.