Fríggjadagin 24 februar 2023 var SkúlaFM fyri Íverksetarar, og Wull, sum er ein fyritøka við næmingum úr Tofta skúla og Runavíkar Kommunuskúla, vann kappingina.

Wull hevur framleitt eina ulla-rullu og ulla-haldara, sum kann brúkast til eplaveltur ella aðrar veltur. At brúka ullina til at velta við, hevur við sær eina betri úrtøku og góðsku.

Stovnararnir av bólkinum Wull eru; Durita Feilberg Lamhauge, Jenny Maria Briansdóttir og Miriam Blábjørg Poulsen, sum allar ganga í 10. flokki í Tofta skúla og Runavíkar kommunuskúla.

Hetta er tískil annað árið á rað, at næmingar úr Tofta skúla og Runavíkar kommunuskúla vinna SkúlaFM 2023.

Vit ynskja Wull hjartaliga til lukku við flotta úrslitinum.

Meiri kann lesast um okkara óføru fyritøku í grein á portal.fo - Trýst her!