Fríggjadagin 1. mars var stórt tiltak í Norðurlandahúsinum, har framhaldsdeildir í Føroyum kappaðust um heiðurin sum besta íverksetanar fyritøka.

Runavíkar kommunskúli hevði tveir bólkar við í kappingini, og ein av hesum bólkum streyk avstað við heiðurinum sum besta íverksetanar hugskot.

Vinnandi fyritøkan gjørdist Sulaglu við Ingu, Jóhannes, Randi og Jónfríð. Tey høvdu eina fyritøku sum skuldi gera eina app, sum kundi skanna matvørur og fortelja fólki, um vøran innihelt sukur, laktosu ella gluten. 

Hugskotið kom frá einum túri at keypa blandabomm.

Tey kendu ein sum skuldi keypa blandabomm, og sum stóð í ein ½ tíma og royndi at finna út av hvørji bomm hann toldi. Við teirra app, hevði hann kunna skanna vøruna skjótt og sæð um vøran var glutenfrí ella ikki.

Dómsnevndin metti at hendan fyritøkan og hugskotið var besta framløga og hugskot á degnum.

Vit í Tofta skúla ynskja tykkum til lukku við sigrinum.

Kelda: rks.fo