Gloymd klæði
Fráboðan um lús
Gleðiligar páskir
Grækarismessuhald í Geilini á Toftum
Sjónleikur í Løkshøll 10.fl úr Tofta og Runavíkar skúla framføra
Næmingaráðið í Tofta skúla skipar fyri grækarismessuhaldi í Tofta skúla
Skúlin jólagudstænastu í Fríðrikskirkjuni
Aftur í ár skipaði Tofta skúli fyri jólagudstænastu í Fríðrikskirkjuni. Henda gudstænastan var fríggjadagin 20. des. kl. 09.00.
Umframt teir góðu gomlu jólasálmarnar, jólaevangeliið, inn- og útgangsbønirnar, vóru eisini fleiri fjølbroytt innsløg við sangi og tónleiki, sum næmingar framførdu.
Miðskeiðis í gudstænastuni hevði Ovi Brim, prestur, m.a. eina talu um stjørnuna, sum vísti vísmonnunum á Jesus-barnið í krubbuni.
1., 2. og 3. flokkur sungu tveir sangir, og 4. og 5. flokkur ein. Eitt stórt næmingaorkestur spældi undir til sálmin ”Gleðilig jól”, og spældi eisini postludium.
Preludium spældi Hanus Højgaard, næmingur, og somuleiðis spældi hann eisini undir tveir sálmar á urguni í kirkjuni. Eisini spældi Mikael Jóhan Heinesen, lærari og urguleikari, á urguna.
Næmingarnir í 10. flokki tóku sær av at lesa jólaevangeliið, inn- og útgangsbønina.
Umframt næmingar og lærarar, vóru tað nógv onnur, sum eisini høvdu leitað sær í kirkjuna, fyri at vera við til skúlagudstænastuna, ið skúlin á hvørjum ári skipar fyri.
Fleiri myndir frá skúlagudstænastuni síggjast her!