Aftaná morgunsangin fríggjadagin 18.juni, sum varð hildin úti í hesum Korona tíðum, fingu Jenny, Marta, Adrian og Dánjal, næmingar í 7. flokki heiðursprógv handað av Duritu Jakobsen, skúlastjóra.

Spæliliðið eru næmingar í 7. flokki, sum undir skipaðum umstøðum standa fyri at spæla saman við yngru næmingunum í fríløtunum.

Endamálið við Spæliliðnum er at fáa næmingar at røra seg meir og verða kropsliga virknar. Dentur verður lagdur á at fáa teir yngru næmingarnar at spæla í fríløtunum. Spæliliðið er á henda hátt við til at skapa lív í skúlagarðinum – bæði kropsliga og sosialt.

Næmingarnir í 7. flokki hava verið á skeiði, har teir hava lært, hvussu teir skulu standa fyri uppgávuni á Spæliliðnum at fáa yngru næmingarnar virknar.

Ein lærari virkar sum akkersfólk, so næmingarnir á Spæliliðnum hava onkran at venda sær til.

Tað er AKT-lærarin, sum serliga tekur sær av Spæliliðnum.