Franska myndakvinnan Ophélie Giralt og Lucas Frayssinet, sum eisini er franskur myndamaður, hava gjøgnum eitt ævintýrligt skúlaár pallsett føroyskar sagnir saman við skapanarhugaðum næmingum í Tofta skúla.

Tey hava saman við næmingunum sniðgivið búnarnar og tikið myndirnar í sagnkendu støðunum. Myndirnar eru gjørdar úr endurnýtslu pappíri og litirnir eru umhvørvisvinarligir.

Sunnudagin 25. september byrjaði  framsýningin í forhøllini í Tofta skúla. Framsýningin heldur fram til hósdagin 6. oktober. Opið er, tá skúlin er opin, frá kl 8.00 og til kl 18 hvønn dag til og við 6. oktober.

Øll eru hjartaliga vælkomin at hyggja eftir myndunum.

Fleiri myndir frá framsýningini síggjast her!