Tofta skúli stuðlar granskingarverkætlan um kropsrørslu og trivnað
Skúlarenning í Tofta skúla
Sangløta í Tofta skúla
Altjóða læraradagur í Tofta skúla
FELAGS FORELDRAFUNDUR OG UPPSTILLINGARFUNDUR VERÐUR TÝSKVØLDIÐ 22.OKTOBER KL 19
Skúlarenning verður fríggjadagin 11. oktober
Sangløta í Tofta skúla
Hósdagin 10. okt. høvdu vit í Tofta skúla eina felags sangløtu, sum fagnaði heystinum, ið av álvara er komið.
Allir næmingar, lærarar og starvsfólk vóru samlaði niðri í Høllini at syngja sangir og sálmar, sum høvdu eitt ella annað við heystið at gera.
Eisini greiddu næmingar í 3. flokki frá við orðum og myndum, hvat spennandi teir høvdu gjørt í samband við teirra útiskúla, ið er hvønn hósdag. M.a. nevndu næmingarnir, at flokkurin hevði sett niður og tikið upp epli, høvdu verið á seiðabergi og høvdu verið við til fletting eisini.
Næmingar í 7. flokki spældu á ljóðføri til nakrar sangir, og gentur í 5. flokki sungu fyri til allar sangirnar.
Ein spennandi og fjølbroytt sangløta.
Sangirnir, ið vit sungu, vóru:
Her stendur fat við pylsum á
Tey vaksnu
Hvørjum eru dreingir av
Á fjalli (vit reka seyðin í rætt)
Heystkanon
Tá eg í fjøru gangi
Guð ger meg til eitt lítið ljós
All night all day
O, tú sum mettar líltan fugl
Fleiri myndir frá sangløtuni síggjast her!