Í fagrasta veðri - høgætt við sól, vóru børnini í komandi 1. flokki innskrivaði í Tofta skúla týsdagin 28. januar kl. 14.00.

Tað vóru 26 sera spent og glað børn, sum møttu upp til innskrivingina saman við foreldrum teirra.

Durita Jakobsen, skúlastjóri, Guðni Andreasen, Annemie B. Nielsen, Petur Hans Hansen og Hallfríð í Hjøllum, lærarar, tóku ímóti børnunum og foreldrum teirra í Miðhøllini.

Durita tók í hondina á hvørjum einstøkum barni og bjóðaði tí vælkomin í Tofta skúla. Hon vísti á, at hetta var ein stórur dagur fyri børnini og foreldrini, og fyri at markera dagin, varð flaggið vundið í húnar hátt. Síðani fingu børnini loyvi til at stilla seg í tvær rekkir, sum flokkarnir vanliga gera, tá morgunsangur er kl. 8.00 um morgunin í Miðhøllini. Eisini sungu børnini tvey stutt sálmaørindi, sum vanliga verða sungin til morgunsang í skúlanum.

Síðani varð farið upp í eina floksstovu, har lærararnir, ið koma at hava børnini, tóku í móti teimum. Á hvørjum borði lá eitt navnaskelti og ein mynd, ið hvørt barn skuldi lita. Eisini fingu børnini eina bók frá skúlanum.

Samanumtikið ein góður og væl eydnaður dagur.

Fleiri myndir síggjast her!