Gloymd klæði
Fráboðan um lús
Gleðiligar páskir
Grækarismessuhald í Geilini á Toftum
Sjónleikur í Løkshøll 10.fl úr Tofta og Runavíkar skúla framføra
Næmingaráðið í Tofta skúla skipar fyri grækarismessuhaldi í Tofta skúla
Skúlin stongdur fram til páskar
Góðu foreldur!
Sum tit helst hava frætt, eru skúlarnir stongdir fram til páska. Komandi tvær vikurnar halda vit tí fram við heimaundirvísing, sum verður skipað á heimasetningunum hjá einstøku flokkunum.
Nú tá øll undirvísingin verður skipað sum heimaundirvísing, liggur øll arbeiðsuppgávan sjálvandi eisini heima. Summi tykkara hava góða tíð og umstøður annars at hjálpa tykkara børnum við heimaarbeiði, meðan tað hjá øðrum ikki er so. Eisini er ymiskt, hvussu sjálvstøðugt næmingarnir megna at arbeiða. Um tit hava onkran fyrispurning ella ivamál kunnu tit venda tykkum til flokslæraran ella læraran í einstøku lærugreinini. Tað ber eisni til at seta seg í samband við leiðsluna umvegis telefon ella teldupost.
Okkara ætlan er ikki, at heimaarbeiðið skal tyngja gerandisdagin hjá tykkum óneyðugt, men tað hevur týdning at halda næmingunum til og hava eitt ávíst reglusemi í skúlaarbeiðinum, nú skúlin er stongdur.
Vónandi koma vit væl ígjøgnum hesar serligu dagar, so vit kunnu byrja regluliga skúlagongd aftur. Vegna skúlan vil eg senda tykkum bestu heilsur!
Vinaliga
Durita Jakobsen, skúlastjóri