Seinastu tíðindi

22/03/2024

Gleðiligar páskir

12/03/2024

Grækarismessuhald í Geilini á Toftum

11/03/2024

Sjónleikur í Løkshøll 10.fl úr Tofta og Runavíkar skúla framføra

08/03/2024

Næmingaráðið í Tofta skúla skipar fyri grækarismessuhaldi í Tofta skúla

15/02/2024

Avloysari fyri námsfrøðing í farloyvi

13/02/2024

Føstulávintshald í Tofta skúla

14/11/2019

Fundarfrágreiðing frá skúlastýrisfundi 07. november 2019

Skúlastýrisfundur 07. november 2019

Skrá 


Frá leiðsluni 
Frá forkvinnuni 
Felagsforeldrafundur og ársfrágreiðing 
Myndatøka til ymisk tiltøk á skúlanum 
 
Eingin viðmerking til gerðabókina 


Frá leiðsluni: Allir felagsforeldrafundir í flokkunum eru nú hildnir.  Alt gongur sum ætlað í skúlanum.
Listaleypurin kemur at vitja Tofta skúla við tveimum tiltøkum í ár. Jólaroynd verður í næstu viku hjá framhaldsdeildini, uml. 60 næmingar fara til roynd.  Musikkskúlaleiðarin hevur frá NK fingið loyvi til at kanna møguleikarnar fyri at innrætta høli til tónleikaundirvísing í skúlanum. 

Ynski er um, at trappugongdin í 80´ bygninginum verður hampað. Somuleiðis er tørvur á at fáa inndekningarnar og  vindeygakarmarnar eftirhugdar og umvældar í 60´ bygninginum


Frá forkvinnuni: Karis D er komin í skúlastýri ímeðan Herman J er burturstaddur í sjúkraørindum. AáR hevur tosað við NK um nøgdsemiskanningina. Spurningurin er, um sitandi skúlastýrið skal gera nøgdsemiskanning. Semja um at bíða við kanningini, men at vit skulu søkja um pengar til kanningina til heystar. 

 
Felagsforeldrafundur og ársfrágreiðing:  Fundurin verður 12.nov og Sunneva Mohr fer at hava fyrilestur um børn og foreldur. AáR leggur ársfrágreiðingina fram á hesum fundi.


Myndatøka til ymisk tiltøk á skúlanum: Skúlastýrið kundi hugsað sær at gjørt eitt skriv, har ið heitt verður á foreldur og avvarandi um at lata vera við at leggja myndir út alment, sum eru tiknar í skúlanum. Facebook er ein øðiliga opin miðil, og tað eru ikki øll, ið vilja verða løgd út har. Vit vilja heita á fólk um at njóta løtuna og ikki leggja myndir út alment frá tiltøkum í skúlanum. AáR sendir eina fráboðan um hetta til til foreldrabólkin. 

 
Ymiskt: Prát um arbeiði hjá bólkinum, sum arbeiðir við útiøkinum.  
 
Fundur lokin: kl 20:40