Gloymd klæði
Fráboðan um lús
Gleðiligar páskir
Grækarismessuhald í Geilini á Toftum
Sjónleikur í Løkshøll 10.fl úr Tofta og Runavíkar skúla framføra
Næmingaráðið í Tofta skúla skipar fyri grækarismessuhaldi í Tofta skúla
Fyrilestur: Rúsevnismisnýtsla millum ung
Viðgerðarstovnurin 'Frælsi' á Eiði fer í næstum runt Føroyar at skipa fyri fyrilestrum um rúsevnismisnýtslu millum ung. Fyrilestrarhaldari verður sálarfrøðingurin, Erling Fles.
- Ofta, tá tað eru upplýsandi tiltøk um børn og ung, so eru foreldur ikki við. Tað er óheppi, tí foreldur eru tann besta fyribyrgjandi arbeiðseindin, sum finst, sigur Erling Fles.
Fyrilestrarnir fara at snúgva seg um rúsevnismisnýtslu sum heild, hvat foreldur skulu vera varug við, og hví so nógv ung í dag stríðast við rúsevnismisnýtslu.
Inni á facebook vanganum 'Viðgerðarstovnurin Frælsi' ber til at fylgja við nær og hvar fyrilestrarnir vera.
-
Týskvøldið 27. apríl kl. 19.00 skipar viðgerðarstovnurin Frælsi, í samstarvi við Eysturkommunu og Fuglafjarðar kommunu, fyri fyrilestri um rúsevnismisnýtsla millum ung. Fyrilesturin er ókeypis og verður í Mentanarhúsinum í Fuglafirði frá kl. 19:00 til 20:30.
Á fyrilestrinum verður m.a. umrøtt:
Hvat er rúsevnismisnýtsla?
Hví taka so nógv ung rúsevni í dag?
Hvussu kunnu vit fyribyrgja rúsevnismisnýtslu?
Hvørji eyðkenni skal ein vera varugur við?
Hvussu hjálpa vit ungum við rúsevnismisnýtslu?
Fyrilesturin er almennur og er viðkomandi fyri foreldur og starvsfólk og umsorganarpersónar, sum eru um ung í gerandisdegnum.
Fyrilestrarhaldari er Erling Fles, løggildur sálarfrøðingur.
Eisini verður høvi at seta spurningar!