Seinastu tíðindi

20/10/2021

An information session for international parents

09/10/2021

Góður renningardagur í Tofta skúla

01/10/2021

Renningardagur verður fríggjadagin 8.oktober

29/09/2021

FELAGS SANGLØTA Í TOFTA SKÚLA

25/09/2021

Næmingaráðið valt í Tofta skúla

21/09/2021

Fráboðan um lús

09/10/2021

Góður renningardagur í Tofta skúla

Hóast sera óstøðugt veður seinastu vikuna, so fóru næmingar, starvsfólk og onkur foreldur við góðum treysti undir skúlarenningina fríggjamorgunin 8.okt.

Tað vóru væl hýrdir næmingar, sum møttu upp til skúlarenningina. Dagurin byrjaði við morgunsangi kl. 8.00 og síðani varð farið inn í høllina til eina felagsupphiting, sum næmingarnir í 10.flokki skipaðu fyri.

Allir næmingarnir runnu leiðina runt Agnið, sum er umleið 10 km til longdar. Á leiðini stóðu næmingarinr í 10.flokki á ávísum postum og heppaðu á næmingarnar. Næmingarnir vóru sera kreativir, so tað kendist sum ein "gularót" fyri okkum, sum runnu at koma fram til næsta post. 

Eins og undanfarin ár, hevði Runavíkar Kommuskúli eisini renningardag sama dag sum vit, og runnu júst sama strekki, so tað kendist gott at møta teimum á leiðini, og samstundis føla kensluna av, at fleiri skúlar runt um í landinum leggja dent á, hvussu týdningarmikil skúlarenning og rørsla er fyri okkara heilsu og trivna.

Tá næmingarnir vóru lidnir at renna, fingu teir høvi til at hvíla seg, meðan teir fingu okkurt leskiligt at eta og drekka.

Dagurin endaði við, at næmingarnir í 10. flokki og lærararnir spældu ein flogbóltsdyst ímóti hvørjum øðrum, meðan allir hinir næmingarnir heppaðu á leikararnar.

Fleiri myndir síggjast her!