Mánadagin 5.oktober er altjóða læraradagur. Eins og siðvenja er í Tofta skúla, so fara vit at steðga á eina løtu og seta orð á tann týdningamikla leiklut, sum starvsfólk skúlans hava í lívi og menningini hjá børnum og ungum.

Nývalda næmingaráðið skipar fyri løtuni. Næmingar hava skrivað stuttar takkarheilsanir til lærararnar og nøkur av hesum boðum verða lisin upp á degnum. 

Vit gleða okkum at hátíðarhalda dagin saman.